Etazini : ICE mande depòte yon Kiben ki akize paske li koupe tèt yon sitwayen anndan yon motèl

Yon Kiben akize paske li koupe tèt yon sitwayen nan yon motèl nan Dallas.

Yon sitwayen kiben, ki rele Yordanis Cobos-Martinez, devan lajistis apre yo akize l dèske li koupe tèt yon nonm ak yon manchèt nan yon motèl. Viktim nan, Chandra Nagamallaiah, te sibi atak la devan madanm li ak pitit gason li ki te eseye anpeche dram nan rive, men san rezilta, daprè sa medya CNN rapòte.

Daprè yon deklarasyon sou sèman, tout bagay te kòmanse pou yon senp konfli sou itilizasyon yon machin lave ki te defektye. Imaj kamera siveyans montre Cobos-Martinez soti ak manchèt la, li frape Nagamallaiah andedan chanm motèl la epi deyò, anvan li mete tèt viktim nan nan yon bwat fatra.

Koupab la, ki deja gen yon dosye kriminèl chaje ak move zak tankou abi seksyèl sou minè, vòl machin ak detansyon ilegal, jiska prezan kenbe san posibilite liberasyon anba kosyon.

Otorite imigrasyon ameriken yo (ICE) fè konnen yo deja depoze yon demann arestasyon ak depòtasyon federal kont Cobos-Martinez. Yo dekri l kòm yon “etranje ilegal, kriminèl ak dejenere, ki soti Kiba.” ICE raple tou ke Kiba te refize resevwa sitwayen sa nan mwa janvye pase, malgre move dosye kriminèl li.

À lire aussi:

Smith Augustin en visite au Rectorat de l’UEH pour aborder les besoins et le budget de l’université